د عوامي نشنل ګوند د پښتونخوا مشر افراسیاب خټک وایي د پښتون ژغورنې غورځنګ د مشر او یو شمېر غړو نیول پاروونکی او ناقانونه کار دی.
هغه یکشنبه ازادي راډیو ته وویل چې د منظور پښتین نیول به لا پښتانه ځوانانو سره متحده کړي او د ده په خبره د پاکستان حکومت به له سخت عکسالعمل سره مخ شي.
د راپورونو له مخې د پي ټي اېم (پښتون ژغورنې غورځنګ) مشر منظور احمد پشتین او د غورځنګ نور مخکښ غړي پرون یوه لوی لاریون ته د ورتلو په لار نیول شوي او د دېره اسماعیل خان محبس ته وړل شوي دي.
له افراسیاب خټک سره صفيالله ستانکزي مرکه کړې ده او لومړی یې له هغه پوښتنه کړې چې د پاکستان پولیسو ولې منظور پشتین او د هغه نور ملګري نیولي دي؟
د دغې مرکې د اورېدو لپاره لاندې لېنک کېکاږئ:
Your browser doesn’t support HTML5
له افراسیاب خټک سره مرکه