د اروپايي ټولنې د بهرنۍ پالیسۍ رئیس جوزېپ بورېل د ترکیې د بهرنیو چارو له وزیر مولوت چاووش اوغلو سره د افغانستان د سولې د بهیر په اړه خبرې کړي.
په افغانستان کې اروپايي ټولنې پر خپله ټویټرپاڼه د دې دوو چارواکو د لیدنې خبر ورکړی او ویلي یې دي چې دوی د افغانستان د سولې د کنفرانس په اړه چې د ترکیې په کوربه توب جوړېږي بحث وکړ.
په ټویټ کې راغلي چې اروپايي ټولنه د ناټو د غوڅ ملاتړ په ماموریت کې د ترټولو ډېرو سرتېرو په لرلو سره په افغانستان کې د سولې د ټینګښت غوښتونکې ده او په دې برخه کې به له افغانان سره ګډ کار وکړي.
د بورېل او چاووش اوغلو د خبرو اترو نور جزئیات نه دي ورکړل شوي.
ترکي چارواکو تایید کړې ده چې د را روان اپریل په لومړیو کې به د افغانستان د سولې د کنفرانس کوربه وي.
متحدایالاتو له ترکیې غوښتي وو چې د لوړې کچې داسې یو کنفرانس جوړ کړي.
د افغانستان د بهرنیو چارو وزارت هم ویلي و چې په هېواد کې د سولې د ټینګښت په هدف د سیمه ییزو کنفرانسونو هرکلی کوي.