په بلخ کې د تښتول شوي نهه کلن ماشوم د شکنجې او ربړونې نوی غږ د هغه کورنۍ ته رسیدلی دی.
په دغه غږیز کلیپ کې چې ازادي راډیو ته هم را رسیدلی د ماشوم د وهلو، چیغو او هغه ته د برېښنایي ټکانونو غږونه اورېدل کېږي.
د عبدالروف په نوم دا ماشوم له خپله پلاره غواړي چې د انسان تښتونکو له منګولو یې وژغوري.
د عبدالروف پلار یو ځل بیا له حکومته وغوښتل چې د زوی د ژغورلو لپاره یې لاس په کار شي.
دا ماشوم څه باندې درې میاشتې مخکې له مزارشریف څخه وتښتول شو، د ولسمشر په ګډون یې بېلابېلو چارواکو د خوشې کېدو ژمنې کړي، خو لا یې څرک نه دی لګیدلی.