نن پنجشنه (د کب ۲۸مه) مسکو د افغان سولې په تړاو د یوې غونډې کوربه دی.
په دې غونډه کې د افغان حکومت او طالبانو د استازو سربېره د افغان سولې لپاره د امریکا د بهرنیو چارو وزارت ځانګړی استازی زلمی خلیلزاد هم برخه لري.
یو شمېر افغان سیاسیون دا غونډه د افغانستان د سولې لپاره مهمه ګني، خو یو شمېر نور بیا د ترکیې غونډه برخلیک ټاکونکې بولي.
خو د افغانستان د ملي محور ګوند مشر خوشحال روهي دواړه غونډې مهمې ګڼي.
ښاغلی روهي وايي، د مسکو غونډه به د ترکیې له غونډې سره د مقدماتي غونډې په توګه ډېره مرسته وکړي.
له ښاغلي روهي سره د ازادي راډیو خبریال کړې او په سر کې یې پر افغان سوله د مسکو د غونډې د اغیز په اړه ترې پوښتلي دي.
دا مرکه د لاندې لېنک په کېکاږلو سره اورېدلی شئ:
Your browser doesn’t support HTML5
مرکه