په نوي ډهلي کې د افغانستان سفارت وايي، څلور تنه افغان تبلیغیان چې په هند کې بندیان وو، خوشې او هېواد ته ستانه کړل.
د دغه سفارت په ټوېټر پاڼه دا خبر بېګا ناوخته خپور شو.
په ټوېټ کې زیاته شوې چې دغه څلور افغان تبلیغیان په هندوستان کې د کرونا د ویروس د خپرېدو پر مهال نیول شوي وو.
هغه څلور تنه افغان تبلیغیان چې د کرونا د ناورین پر مهال په هند کې نیول شوي وو، په هند کې د افغان سفارت په هڅو ازاد شول. دوی نن ورځ له سفیر @FMamundzay سره په لیدنه کې د سفارت له هڅو مننه وکړه. افغان تبلیغیان د سفارت د همکارانو په بدرګه خپل هېواد ته رخصت شول. pic.twitter.com/vyLxxmSVNt
— Afghan Embassy India (@AfghanistanInIN) March 5, 2021
معلومه نه ده چې د هند پولیسو دا افغانان په کوم تور زندان ته اچولي وو.