اسرائیل پرېکړه وکړه، چې په متحده عرب اماراتو کې د وسلو نندارتون ته خپل پلاوى ونه لېږي.
د اسرائیل دفاع وزارت پرون د دغه اعلان پر مهال وویل، دا پرېکړه وروسته تر دې وشوه، چې د کرونا ویروس له کبله د لګول شویو محدودیتونو په لړ کې د اسرائیل نړیوال هوايي ډګر وتړل شي.
د فضايي تحقیقاتو او رافائل عصري دفاعي سیسټمونو دولتي کمپنۍ په ګډون د اسرائیل ګڼو کمپنیو غوښتل چې په اماراتو کې راتلونکې اوونۍ د (IDEX) په نوم د وسلو په نندارتون کې برخه واخلي.
دا وروسته له هغې چې تېر میلادي کال د امریکا په منځګړیتوب د اسرائیل او متحده عرب اماراتو ترمنځ د اړیکو د بېرته اعادې پرېکړه وشوه، لومړی وار و، چې اسرائیل په دغسې یوه مناسبت کې برخه واخلي.