د کابل د امنیې قومندانۍ په یوه چاودنه کې چې نن د جنګلک په سیمه کې وشوه، د دوتنو د وژل کېدو خبر ورکوي.
د دې قومندانۍ ویاند فردوس فرامرز ازادي راډیو ته په یوه استولي غږيز پیغام کې وویل: "نن غرمه مهال د کابل د نهمې حوزې اړوند جنګلک سیمه کې پریوه رنجرډوله موټریوماین وچاودېد. په دغه چاودنه کې يو سرتېری او یو ملکي کس ووژل شول او یو بل سرتېری ټپي شو."
دا په کابل ښار کې نن دوهمه حمله ده.
نن سهارپه یوه بله چاودنه کې چې د سولې په چارو کې د دولت د وزارت د دفتر د رئیس خشنود نبي زاده پر موټر وشوه، چې نوموړی ترې روغ ووت.
تر اوسه چا یا کومې ډلې د دغو پېښو مسولیت نه دی اخیستی.