د کابل په شمول د افغانستان په لویو ښارونو کې هدفي بریدونه لا هم دوام لري چې قربانیان یې ډیر کله داسې اشخاص او افراد وي چې نظامي اهداف نه شي ګڼل کیدای.افغان حکومت د وروستیو هدفي بریدونو مسول وسلوال طالبان او په دوی پورې تړلي ګروپونه بولي. طالبان بیا په غیرې نظامي اهدافو بریدونو کې لاس لرل ردوي او وايي ښايي حکومت پورې تړلې کړۍ په کې لاس ولري.
دواړه لوري د خپلو ادعاوو د سپناوي لپاره څه دلایل لري؟ ایا له افغان حکومت او طالبانو پرته نور کوم لوري شته چې ښايي ددې هدفي بریدونو تر شا وي؟
ددې اونۍ په پنځه ویشت دقیقي بحث کې پر دې او نورو پوښتنو له میلمنو سره غږیږو.
د بحث ګډونوال:
د افغانستان د جمهورریس د لومړي مرستیال د رسنیو او عامه اړیکو د دفتر ریس رضوان مراد
د طالبانو د واکمنۍ پر مهال د باختر خبري اژانس ریس عبدالحنان همت
او د امنیتي چارو څیړونکی ، محمد کبیر درویش