پولیسو په پنځلسو ولايتونو کې د نشه يي موادو تر شلو ډېر خرڅوونکي او قاچاق کوونکي ونيول.
د کورنيو چارو وزارت وياند طارق ارین ازادۍ راډيو ته وويل: دا عملیات د کابل امنیه قوماندانۍ له خوا شوي چې په نتيجه کې يې د نشه يي موادو (۲۸) قاچاق کوونکي او خرڅوونکي تر پنځوسو کيلوګرامو ډېرو نشه يي موادو سره نيول شوي دي.
له دې نيول شوو خلکو سره هيرويين، ښیښه، چرس، تاریاک او نشه يي ګولۍ نيول شوي او دوسيې يې له نشه يي موادو سره د مبارزې عدلي او قضايي مرکز څارنوالۍ ته لېږل شوي دي.