په هرات کې نن مازیګر یوې ټرافیکي پېښې شپږ کسان مړه کړي دي.
د هرات د عامې روغتیا د ریاست ویاند محمد رفیق شیرزي ازادي راډیو ته وویل، چې دا شپږ کسان د هرات – اسلام کلا په لویه لار د دوو تیزرفتاره موټرو ټکر کې مړه شوي.
د هرات – اسلام کلا لویه لار تل د داسې ټرافیکي پېښو شاهده ده چې پکې هر کال ګڼ کسان مړه یا ټپيانېږي.
چارواکو اکثر د دغسې ټرافیکي پېښو علت د موټرچلوونکو بې پامي او تیزچلونه یادوي.