د هلمند د کرنې او مالدارۍ ریاست وایي، روان کال په هلمند کې د مېوو ۱۴۰۰ نوي بڼوڼه جوړ شوي دي.
د دغه ولایت د کرنې رییس زلمی الکو نن ازادي راډیو ته وویل، چې د کرنې وزارت د بڼوالۍ او مالدارۍ ملي پروژې په همکارۍ دوی د مېوو ۱۴۰۰ جریبه نوي بڼونه جوړ کړي، چې په دغو بڼونو کې د انګورو، زردالو، الوچې، شفتالو، انار، انځر واو نارنجو بڼونه شامل دي.
نوموړي وویل، د دغو جوړو شویو بڼونو ترڅنګ بڼوالو ته روزنیز پروګرامونه هم جوړ شوي او د بڼوالۍ اړوند کرنیز توکي او کېمیاوي سرې هم ورته وېشل شوې دي.
د هلمند د کرنې ریاست وايي، هڅه کوي چې په یاد ولایت کې په مسلکي ډول د مېوو بڼونه جوړ او بڼوالو ته د عملي او نظري زده کړو زمینو په برابرولو سره وکولای شي یاد ولایت د مېوو له په پلوه ځان بسیاینې ته نږدې کړي.