په افریقايي هېواد نایجر کې لږترلږه ۵۶ ملکي وګړي د اسلامپالو یاغیانو په حمله کې وژل شوي دي.
پولیس وايي، یاغیانو پرون د مالي هېواد پولې ته نږدې پر دوو کلیو یرغل وکړ.
روېټرز خبري اژانس د نایجر د چارواکو په قول وویل چې په دې بریدونو کې ۷۰ تنه وژل شوي دي.
سره له دې چې تر اوسه د دې بریدونو مسؤلیت چا په غاړه نهدی اخیستی، خو ویل کېږي چې له القاعده او اسلامي دولت سره تړلي یاغیان په دې سیمه کې فعال دي.