د خوست امنیه قوماندان وايي په یعقوبیو ښارګوټي کې چاودنې د یوه سرتېري تر څنګ څلور ملکیان ووژل.
پاسوال محمد داود امین ازادۍ راډیو ته وویل، چاودنه پرون ناوخته د ملي اردو پر یوه موټر شوې ده.
هغه زياتوي: "په دې چاودنه کې د ملي اردو یو افسر ټپي یو شهید شوی او څلور ملکیان شهیدان شوي او شپږ نور ټپیان شوي دي."
یعقوبیو ښارګوټی د خوست د شمال په لس کیلومترۍ کې پروت دی.
تر اوسه کومې وسله والې ډلې د دې چاودنې په اړه رسنیو ته څه نه دي ویلي.