د ایران حکومت هغه ایرانيالاصله بریتانوی په اته کاله بند محکوم کړ چې کم عمر کې د ودونو او د ښځو د سنتولو په اړهیې څېړنه کوله.
محکوم شوی کمیل احمدي نومېږي چې انسان پېژندونکی یا انتروپالوجست (Anthropologist) دی.
د دغه څېړونکي مدافع وکیل امیر ریسیان پرون (د ډسمبر ۱۳مه) وویل، مؤکل تهیې "له یوه متخاصم حکومت سره د همکارۍ په تور" د اته کاله بند سزا اورول شوې.
ریسیان پر خپله ټویټرپاڼه لیکلي، دوی د دې حکم په وړاندې د استېناف غوښتنه کړې او په خبرهیې تر اوسه هیلهمن دي.
د ایران نیمه دولتي تسنیم خبري اژانس بیا ویلي، یوې انقلابي محکمې دغه څېړونکی په نهه کاله بند او څه باندې ۷ لکه ډالرو نقدي جریمې تورن کړی.
د بند د دغې متضادې مودې دلیل تر اوسه نهدی څرګند شوی.
خپله کمیل احمدي بیا پر ټویټر د ایران حکومت تورن کړی چې ده تهیې د هغو څېړنو په بدل کې دغه سزا اورولې چې دی یې د محرومو لږګیو په منځ کې د زیانمنونکو دودونو په اړه کوي.