د پاکستان د اپوزېسیون زرګونه فعالانو پرون یکشنبه د پنجاب په مرکز لاهور کې پر صدراعظم عمران خان د فشار راوستلو لپاره لاریون وکړ.
دوی غوښتنه لري چې عمران خان دې له واک څخه لیرې شي او په پاکستان کې دې له سره ټاکنې وشي.
د مظاهرې یوه برخهوال د پخواني صدراعظم نواز شریف نیول کېدل غیر قانوني وبلل: "نواز شریف په بېبنسټه تور د ارشد ملک په څېر د یوه قاضي لهخوا له واکه وپرځول شو، لور یې د هغه په مخکې ونیول شوه چې لور یې د هغه په کمزورۍ بدله شي، خو داسې ونهشول، د هغه لور د هغه په ځواک بدله شوه."
د پاکستان ډیموکراتیک غورځنګ چې له نهو ګوندونو جوړ دی، د پاکستان پوځ تورن کړی چې د ۲۰۱۸م کال د جولای میاشتې په ټاکنو کې یې د تحریک انصاف په پلوي لاسوهنه کړې ده.
تر دغه لاریون مخکې فدرال پولیسو په لاهور او شااوخوا سیمو کې امنیتي تدابیر سخت کړي وو.