په دوو پرلپسې ورځو افغانستان کې د دویم خبریال د مرګ خبر ورکړل شوی دی.
پولیس وايي، د اریانا نیوز د خپرونو چلونکی فردین امیني، د کابل د یو غره په لمن کې په ټپي حالت کې موندل شوی، چې غاړه یې پرې شوې وه.
هغه وروسته روغتون کې ومړ.
د کورنیو چارو وزارت ویاند طارق ارین پر خپل ټویټر لیکلي چې لومړنۍ نښې ښيي چې فردین امیني ځان وژنه کړې خو د فردین ورور بکتاش امیني ازادي راډیو ته ویلي ورور یې په مرموز ډول وژل شوی دی.
د اریانا نیوز ددې خبریال د مرګ خبر په داسې ورځ خپرېږي چې ترې یوه ورځ مخکې په ننګرهار کې انعکاس ټلویزیون خبریاله او ویانده ملاله میوند ووژل شوه.
د ننګرهار چارواکو ویلي د ملالې د قتل په تور یې دوه کسان نیولي.
د داعش وسله والې ډلې ددې وژنې پړه منلې ده.
بل خوا د افغانستان د کورنیو چارو وزارت د یو داسې مشکوک کس ویډیويي اعتراف خپور کړی چې ددې وزارت په وینا د ازادي راډیو د وژل شوي خبریال الیاس داعي په قتل کې یې لاس درلود.
الیاس داعي یو میاشت مخکې په لښکرګاه کې د ده په موټر پورې د نښلول شوي ماین چاودنې ووژاه.