د افغانستان او پاکستان د بهرنیو چارو وزیرانو د اسلامي هېوادونو د همکارۍ سازمان د غونډې په درشل کې سره ولیدل.
محمد حنیف اتمر په خپل ټوېټر لیکلي چې له خپل پاکستاني سیال شاه محمود قریشي سره یې د سولې د راتلونکي پړاو، امنیت، د کډوالو په بېرته ستنېدو او اقتصادي همکاریو خبرې کړي دي.
Had an important meeting with HE @SMQureshiPTI and the delegation on the sideline of the #OIC in Niamey focusing on the next steps in peace, security, refugee return, regional connectivity and economic cooperation following the successful Kabul visit of Honourable @ImranKhanPTI. pic.twitter.com/27bbe1uXyW
— Mohammed Haneef Atmar محمد حنیف اتمر (@MHaneefAtmar) November 27, 2020
د پاکستان د بهرنیو چارو وزیر هم له ښاغلي اتمر سره تر لیدنې وروسته په خپل ټوېټر لیکلي چې پاکستان د ټولو لپاره د یوه سوکاله راتلونکي په هدف له افغانستان سره د اړیکو غښتلتیا ته ژمن دی.
د افغانستان د بهرنیو چارو وزارت وايي چې د اسلامي هېوادونو د همکارۍ سازمان د بهرنیو چارو وزیرانو په غونډه کې به افغان پلاوی له ګډونوالو هېوادونو د افغان سولې او ثبات لپاره د همکارۍ غوښتنه وکړي.