عراق او سعودي عربستان خپله ځمکنۍ پوله تر ۳۰ کلونو وروسته بېرته پرانیستله.
د دواړو هېوادونو لوړ رتبه چارواکو پرون چهارشنبه پر پوله د دروازې د پرانیستنې په مراسمو کې ګډون وکړ.
دا پوله په داسې حال کې پرانیستل شوه چې په تجارتي مالونو ډکې لارۍ له پولې واوښتې.
په ۱۹۹۰م کال کې پر کوېټ د عراق د پخواني رهبر صدام حسین تر یرغل وروسته سعودي عربستان له عراق سره خپل ډیپلوماتیکې اړیکې پرې کړې او دا پوله وتړل شوه.
خو د عراق اوسنی صدراعظم مصطفی الکاظمي د سعودي عربستان له ولیعهد محمد بن سلمان سره دوستانه اړیکې لري، ځکه نو د دواړو هېوادونو تجارتي اړیکې په غوړېدو دي.