د افغانستان په اړه په جنیوا کې د راروان مرستندویه نړیوال کنفرانس په درشل کې نړیوالې ټولنې د افغانستان حکومت ته یو شمېر شرطونه ایښي چې حکومت یې هم د چهارشنبې(د لړم ۲۸مه) په ورځ هرکلی وکړ.
د بهرنیو چارو وزارت وايي، دغه شرطونه، کولای شي له دې هېواد سره د یوې تل پاتې سولې په ټینګېدو کې مرسته وکړي.
ټاکل شوې چې راتلونکې اوونۍ د نومبر په ۲۳مه او ۲۴مه په جنیوا کې دغه نړیوال کنفرانس جوړ شي چې تر۲۰۲۴ میلادي کال پورې نړیوال له افغانستان سره د نویو مرستو ژمنې وکړي.
په دې اړه د ازادي راډیو خبریال نوریاس نوري د اقتصادي چارو له کارپوه وحیدالله غازي خېل سره مرکه کړې او لومړی یې ترې پوښتنه کړې چې د افغانستان پر حکومت د مرستو لپاره د نړیوالو له خوا د نویو شرطونو ایښودل څه معني لرلی شي؟
Your browser doesn’t support HTML5
مرکه