په زابل کې امنیتي چارواکي وايي چې په دې ولایت کې په دوو جلا عملیاتو کې لږترلږه ۱۰ طالبان وژل شوي او ۹ نور ژوبل شوي دي.
په زابل کې د ملي اردو د دوهمې پلې لوا قوماندان ډګروال سیدبابا منصوري تېره شپه ازادي راډیو ته وویل چې نن لسګونو طالبانو د زابل پر شملزو، مېزاني او د شاه جوی پر یو شمېر امنیتي پوستو ډله ییز بریدونه وکړل چې د امنیتي ځواکونو په ځوابي برید کې ۱۰ طالب وسله وال ووژل شول او ۹ نور ټپیان شول.
طالبانو په دې اړه تر دې دمه څه نه وي ویلي.