د ناروې د بهرنیو چارو وزیرې این ماري اریکسن سورید د الیاس داعي وژنه یوه تراژيدي یاده کړې ده.
د اغلې سورید په حواله د ناروې د بهرنیو چارو وزارت په ټوېټر راغلي چې په خپلواکو او ازادو رسنیو او خبریالانو باندې بریدونه غندي.
I share @antonioguterres’ deep concern about attacks against journalists and media workers around the world. Recent killing of @DaRadioAzadi’s Elyas Dayee in #Afghanistan is another tragic example. Norway condemns attacks on free and independent media. –FM #EriksenSoreide https://t.co/4ck4xKTL5X
— Norway MFA (@NorwayMFA) November 13, 2020
د ناروې د بهرنیو چارو وزیرې همدا راز د ملګرو ملتونو د سرمنشي انتونیو ګوتیریش له اندېښنې سره ملتیا ښودلې.
ګوتیریش د نړۍ په ګوټ ګوټ په تېره بیا هغو سیمو کې چې جګړې روانې دي د خبریالانو وژنه د جدي اندېښنې وړ بللې.
ښاغلي ګوتیریش ویلي چې د دغسې جرمونو عاملینو ته د سزا ورکولو د معافیت پر وړاندې باید ټول په ګډه هڅه وکړي.
تر دې مخکې هم یو شمېر لوړ پوړو چارواکو او د بشري حقونو لسګونو فعالانو له هغې ډلې د بشري حقونو د څار نړیوال سازمان د ازادي راډیو د خبریال الیاس داعي وژنه غندلې ده.