په امریکا کې د دوهمې پرله پسې ورځې په مخه د کرونا پېښې د ریکارډ کچې ته لوړې شوې.
د جان هاپکنز پوهنتون شمېرې ښيي چې دغلته د نومبر په پنځمه څه باندې یو لک او درویشت زره مثبتې پېښې ثبت شوې او په همدې ورځ ۱۲۲۰ کسان کویډ-۱۹ ناروغۍ مړه کړل.
له دې یوه ورځ وړاندې، یعنې د نومبر په څلورمه په امریکا کې ۹۹۶۶۰ پیښې ثبت شوې وې.
د امریکا د پنځوسو ایالتونو له ډلې ۱۹ هغو کې د کورونا پېښې لوړې شوي دي.
امریکا په ټوله نړۍ کې د کویډ-۱۹ ناروغۍ او له دې کبله د مړو شویو کسانو لوړې شمېرې لري.