د امریکا د متحدو ایالتونو د ولسمشرۍ ټاکنو نوماند جوبایډن له امریکایانو وغوښتل چې "ارام واوسي."
دا غوښتنه په داسې حال کې کېږي، چې د امریکا د ولسمشرۍ له کړکېچ د ډکو ټاکنو وروستۍ رایې په شمارل کېدو دي.
جوبایډن پرون په یوه اعلامیه کې وویل، له شک پرته که ټولې رایې وشمېرل شي، دی به په تدریجي ډول د ډونالډ ټرمپ پر وړاندې ګټونکی وي.
ښاغلی بایډن د ۲۷۰ الکتورال کالج یا ټاکنیزو کالجونو د رایو خپلولو ته نږدې شوی دی.
هر کاندید چې ۲۷۰ رایې پوره کړي، د امریکا د ولسمشرۍ ټاکنو ګټونکی بلل کېږي.
د جوبایډن د ټاکنیزو کالجونو د رایو شمېر ۲۵۳ او د ډونالډ ټرمپ ۲۱۴ دی.