د امریکا متحده ایالاتو ولسمشر ډونالد ټرمپ وویل، سوډان او اسرائیل د واشنګټن په منځګړیتوب موافقه وکړه چې اړیکې په خپلو کې عادي کړي.
ټرمپ په ټویټر کې لیکلي دي، نن په نړۍ کې د سولې لپاره لویه بریا ده.
د جمهوري غوښتونکي ولسمشر ډونالد ټرمپ لپاره په بهرنۍ تګلاره کې د نومبر د درېیمې نېټې د ولسمشرۍ تر ټاکنو مخکې دا یوه لاسته راوړنه ګڼل کېږي.
ټرمپ چې د نظرپوښتنو له مخې تر خپل ډیموکرات سیال جوبایډن وروسته دی زیاتوي، لږ تر لږه پنځه نور عرب هېوادونه غواړي چې له اسرائیل سره د سولې تړون وکړي.
ولسمشر ټرمپ پرون له سپینې ماڼۍ په ټیلیفون د اسرائیل او سوډان له صدراعظمانو سره خبرې وکړې.
د اسرائیل صدراعظم بنیامین نتانیاهو وویل، دا په سیمه کې د یوه نوي دور پیلامه ده.
د سوډان صدراعظم عبدالله حمدوک وویل، حکومتیې له نړیوالو سره د داسې اړیکو په هڅه کې دی چې د سوډان د خلکو په ګټه وي.
تر دې موافقې څو اوونۍ مخکې متحده عربي اماراتو او بحرین له اسرائیل سره روابط عادي کړي وو.