د پروان ولایت د سالنګ ولسوالۍ د جنایي جرمونو پر وړاندې د مبارزې آمر سمونیار جمال الدین نن ووژل شو.
د پروان د امنیه قومندانۍ د جنایي جرمونو پر وړاندې د مبارزې مدیر محمد صادق هاشمي آزادي راډیو ته وویل چې د نوموړي پر موټر د سړک د غاړي ماین وچاودېد.
د ښاغلي هاشمي په خبره په دې پېښه کې دوه نور پولیس هم وژل شوي دي.
دا پېښه نن سهار د سالنګ ولسوالۍ په للمه سبزک سیمه کې شوې ده.
د دې پېښې مسئولیت چا نه دی منلی.