اروپايي ټولنې په مدیترانه کې د ترکیې په پارونو او یو اړخیزو اقداماتو کلکه نیوکه کړې ده.
د مدیترانې سمندرګي په ختیځ کې د تېلو زېرمې د ترکیې او د اروپايي ټولنې د دوو غړیو یونان او قبرس تر منځ سختې لانجې رامنځته کړي.
د اروپايي ټولنې مشرانو په بروکسل کې د دې لانجې په اړه بحث کړی دی.
ترکیې سره له دې چې نړیوالې ټولنې ترې غوښتي د مدیترانې له ختیځه ووځي یو وار بیا خپله یوه لویه بېړۍ دغو اوبو ته ورلېږلې ده.
د اروپايي ټولنې د ۲۷ غړیو هېوادونو مشرانو په پرونۍ ناسته کې یوه ګډه اعلامیه صادره کړه.
په ګډه اعلامیه کې له ترکیې غوښتل شوي چې له خپلو دغو فعالیتونو تېره شي او له یونان او قبرس سره یووالی له سره پیل کړي.