د افغانستان د ملي مصالحې عالي شورا وایي د بینالافغاني مذاکراتو لپاره ټول خنډونه لیرې شوي دي.
د راپورونو په اساس ځینو هېوادونو له هغې ډلې فرانسې، استرالیا او امریکا د یو شمېر طالبانو له خلاصون سره مخالفت ښودلی و چې له املهیې د بندیانو د خلاصون بهیر له خنډ سره مخ شوی و.
د ملي مصالحې عالي شورا ویاند فریدون خوځون په خپل فېسبوک باندې نن ډاډ ورکړی چې د بندیانو د تبادلې بهیر به ژر پای ته ورسېږي او بینالافغاني مذاکرات به پیل شي.
هغه زیاته کړې چې مذاکره کوونکی پلاوی دوحې ته د سفر بشپړ چمتووالی نیولی دی.
افغان حکومت په تېرو دوو ورځو کې د هغو طالب بندیانو د خلاصون پروسه روانه کړې چې د راپورونو په اساس درنې جرمي دوسیې يې درلودې.
طالبانو ویلي همدا چې د دوی له غوښتنې سره سم د ۴۰۰ طالب بندیانو خلاصون بهیر ختم شي بینالافغاني خبرو ته چمتو دي.
په خواله رسنیو تازه د طالبانو لهخوا د څلورو دولتي بندیانو د خلاصون عکسونه خپاره شوي او راغلي چې دا افغان کمانډویان و.
حکومت او خپلواکو سرچینو لا نهده تأیید کړې چې طالبانو هم د څه باندې ۲۰ افغان کمانډویانو له ډلې څوک خلاص کړي که څنګه.