د نړۍ له قدرتونو سره د ایران د اټومي تړون پاتې ګډونوال نن په ویانا کې غونډه کوي.
دا غونډه داسې مهال کېږي چې امریکا چې دوه کاله مخکې له دغه تړونه وتلی، پر ایران د ملګروملتونو د ټولو بندیزونو د بېرته لګولو لپاره هڅې چټکې کړي دي.
د ویانا په نننۍ غونډه کې د بریتانیا، چین، فرانسې، جرمني، روسیې او ایران استازي ګډون کوي.
ټول دغه هېوادونه هڅه کوي چې دغه تړون وژغوري.
په ویانا کې د دغو خبرو په ملاتړ ایران تېره اونۍ د ملګروملتونو د اټومي انرژۍ ادارې څارونکو ته د دې هېواد له دوو پخوانیو اټومي ځایونو څخه د کتو اجازه ورکړه.
دغه اقدام وروسته له هغې وشو چې د ملګروملتونو امنیت شورا پر ایران د نړیوالو بندیزونو د بېرته لګولو لپاره د متحدو ایالتونو د یوه پرېکړه لیک مخه ډب کړه.