هند یو وار بیا د کرونا ویروس تر ټولو زیاتې مثبتې پېښې ثبت کړي.
د هند روغتیاپالانو ویلي چې په دغه هېواد کې یکشنبه ۷۸،۷۰۰ د کرونا ویروس یا 'کووېډ–۱۹' ناروغۍ نوې پېښې ثبت شوي.
د امریکا د جانز هاپکنز پوهنتون د شمېرو له مخې په هند کې په کرونا ویروس د اخته ناروغانو شمېر له درې نیم میلیونه کسانو پورته تللی. له دې ډلې شااوخوا ۴۶ زره کسان مړه شوي او د نږدې ۲۸ لکو درملنه شوې.
په ټوله نړۍ کې بیا د کرونا مثبتې پېښې له ۲۵ میلیونو کسانو اوښتي.
امریکا په نږدې شپږ میلیونه ناروغانو سره د 'کووېډ-۱۹' تر ټولو زیاتې پېښې لري چې له ډلې یې څه باندې ۱۸۲ زره کسان مړه شوي.