د اسټرالیا دفاع وزارت ویلي ژر به افغان امنیتي او دفاعي ځواکونو ته د مقابلې ۱۵ زره ژوند ژغورونکې الکتریکې الې ورکړي.
په کابل کې د اسټرالیا سفارت دا خبر د خپل ټویټر له لارې خپور کړی.
د بیان له مخې اسټرالیا د افغان امنیتي او دفاعي ځواکونو د تمویل د صندوق له لارې له ۲۰۱۵ کال راهیسې ۲۲۵ زره داسې ژوند ژغورونکې دستګاوې افغان حکومت ته سپارلې دي.
د دغو برېښنایي الو له لارې د رادارونو، غږیزو موجونو او نورو پلټونکو برېښنايي هڅو مخه نیول کېږي.
د اسټرالیا دفاع وزارت ویلي چې د افغانستان د امنیتي او دفاعي ځواکونو د تمویل د صندوق دوهم لوی تمویلوونکی دی چې د ونډې برخهیې د کال ۸۰ میلیونو ډالرو ته رسېږي.
د افغان ولسمشر ویاند صدیق صدیقي په خپل ټویټر د اسټرالیا له همکارۍ مننه کړې.
هغه له افغان امنیتي او دفاعي ځواکونو سره د اسټرالیا اوسنۍ مرسته ډېره ښه او په وخت بللې ده.