د افغانستان د ملي دفاع وزارت کندز ته د اردو د ځانګړو ځواکونو د استولو خبر ورکړ.
د دې وزارت د ویاند مرستیال فواد امان پرون د اګسټ په ۲۵مه، ازادي راډیو ته وویل چې د ملي اردو ځانګړي ځواکونه د کندز په ښار او شااوخوا ولسوالیو کې ځای پر ځای شوي دي.
فواد امان وویل: "د ملي دفاع وزارت د پروګرام له مخې به دا ځواکونه د کندز خلک له وسلهوالو طالبانو او نورو وسلهوالو ډلو خوندي ساتي."
فواد امان ونهویل چې څومره ځانګړي ځواکونه کندز ته استول شوي دي.
دا په داسې حال کې ده چې د کندز په ښار او دامان صاحب او خاناباد په ولسوالیو کې زرګونه کسان د جګړې له کبله بېکوره شوي دي.