د ژورنالیست، لیکوال او دېکلمه تور اکبر ایازي د لومړي تلین په مناسبت په کابل کې د بېلابېلو رسنیو په نېږدې سل کسه ملازمینو د لومړنيو خوراکي توکو مرستې وویشل شوې.
په کابل کې د ریډټو لیډ یا ووایه او رهبري وکړه د موسسې د بشري سرچینو مسئول او د دغه پروګرام تنظیمونکي محمد ضمیر ځدران نن ازادي راډیو ته وویل چې دغه مرستې د اروښاد ایازي د کورنۍ د غړو لهخوا برابرې شوې وې چې د دغې موسسې له لارې وویشل شوې.
اکبر ایازی د ازادي راډیو د افغانستان د څانګې رئیس و چې بیا د همدې راډیو د مرکزي او سویلي اسیا د څانګې مشر شو.
د نوموړي په هڅو ياده اداره وتوانېده چې د ۲۰۱۰ ز کال په جنورۍ کې د پاکستان د قبايلي سيمو د پښتنو لپاره په پښتو ژبه د مشال راډيو په نوم يوه نوې راډيو جوړه کړي.
اکبر ایازي په دې ورستیو کې په امریکا غږ کې د مرکزي او سویلي اسیا سیمهییز مشر و.
نوموړی کال مخکې په همدغه ورځ د ورپېښې ناروغۍ له امله په امریکا کې وفات شو.