د افغانستان لپاره د ناټو لوړپوړي ملکي استازي د ترهګرۍ د قربانیانو د یادښت په مناسبت په یوه پیغام کې د سولې او بشري حقونو په فعالانو وروستي بریدونه غندلي دي.
ستیفانو پونتیکوروو نن په خپل ټوېټر دا فعالان هغه خلک بللي چې د باعزته سولې په لټه کې دي.
د افغانستان لپاره د ناټو لوړپوړي ملکي استازي له ترهګرۍ سره د مبارزې په برخه کې له افغانانو او د افغانستان له امنیتي او دفاعي ځواکونو سره د ناټو د همکارۍ ډاډ ورکړی دی.
"On International Day of #VictimsofTerrorism, we condemn the recent attacks on peace activists & human rights defends who seek dignified peace in #Afghanistan. We reaffirm our commitment to asssist the Afghan people & the #ANDSF in combating terrorism."- #NATO SCR @pontecorvoste
— NATO in Afghanistan (@NATOscr) August 21, 2020
له ۲۰۱۷ کال راهیسې د اګست یوویشتمه چې نن ده د ملګرو ملتونو سازمان له خوا د ترهګرۍ د قربانیانو د یادښت ورځ نومول شوې ده.
افغانستان یو له هغو هېوادونو دی چې په ترهګریزو بریدونو کې یې ګڼ خلک له لاسه ورکړي دي.
په کابل کې د ملګرو ملتونو د مرستندویه ماموریت یوناما د راپور په اساس د ۲۰۲۰ کال په لومړۍ نیمايي کې نږدې دري نیم زره افغان ملکیانو ته مرګ ژوبله اوښتې ده.