طالبانو د بدخشان د درواز په دوو ولسوالیو کې نجونې کانکور ازموینې ته نه دي پرېښي.
دا خبره د بدخشان د پوهنې رییس عبدالسمیع ابدیار نن ازادي راډیو ته وکړه.
هغه وویل طالبانو په مایمي او شکۍ ولسوالیو کې د هغو دوو سوو نجونو مخه ونیوله چې د کانکور ازموینې ته یې نومونه لیکلي وو.
په بدخشان کې کانکور پرون پيل شوی او تر شنبې دوام کوي.
د بدخشان د پوهنې رییس وویل له کانکوره پاتې شویو نجونو ته به وروسته په متفرقه ازموینه کې د ګډون حق ورکړل شي.
طالبانو تر اوسه ددغو تورونو په اړه چې نجونې یې کانکور ته نه دې پرېښي ځواب نه دی ویلی.