د روسیې ولسمشر ولادیمیر پوتین سیاسي مخالف الکسي ناوالني د سایبریا د اُمسکِ ښار په یوه روغتون کې د عاجل مراقبت په څانګه کې بستري دی.
د ناوالني ویاندې کیرا یارمیش نن په خپل ټویټر دا پیغام خپور کړی او ویلي یې دي اټکل کېږي چې د فساد ضد دا کمپاینر به مسموم شوی وي.
د یارمیش په لیکنه ۴۴ کلن ناوالني اوس بېسده دی.
هغې زیاته کړې الکسي ناوالني د سایبریا له تومسک ښاره د راستنېدو په لار ناروغه شوی او الوتکه بېړنۍ ناستې ته اړ شوه.
ناوالني په وروستیو کلونو کې څو واره زندان ته لوېدلی او اجازه نهده ورکړل شوې چې د جمهوري ریاست په ټاکنو کې ځان کاندید کړي.