د امریکا متحده ایالاتو او روسیې چارواکو د اتریش په پلازمېنه ویانا کې د اټمي وسلو د کنټرول پر موضوع د خبرو درېیم پړاو پیل کړ.
د نیو سټارټ په نوم د ستراتېژیکو وسلو د کنټرول د هغه تړون برخلیک لا هم نامعلوم دی چې په ۲۰۱۰م کال کې لاسلیک شوی و.
د دغو دوه ورځنیو خبرو مشري د وسلو د کنټرول لپاره د امریکا د ولسمشر ځانګړی استازی مارشال بیلینګ-سلي او د روسیې د بهرنیو چارو وزارت معین سرګي ریابکوف کوي.
ښاغلي بیلینګ-سي پرون ویانا ته له رسېدو سره په خپل یوه ټویټ کې وویل چې د امریکا متحده ایالات جدي ډیالوګ ته چمتو دي.
دواړه قدرتونه د نیو سټارټ په نوم د اټمي وسلو د کنټرول په تړون کې پر خپلو پاتې موافقو خبرې کوي.
د دغه دوه اړخیز تړون چې د هر دخیل هېواد د اوږد واټنه اټمي سروکو شمېر محدودوي، په فبرورۍ میاشت کې مهلت پای ته ورسېد.
د امریکا او روسیې ترمنځ د خبرو لومړي دوه پړاوونه په جون او جولای میاشتو کې شوې وې چې د نیوسټارټ تړون په تمدید کې کوم پرمختګ ونهشو.