د امریکا ولسمشر ډونالد ټرمپ ویلي، دی به په امریکا کې ممکن سر له ننه د ټولنیزو رسنیو یو مشهور اپلېکېشن ټیک ټاک بند کړي.
د ټیک ټاک اپلېکېشن مالک یو چینایي شرکت دی.
ډونالد ټرمپ خبریالانو ته ویلي، د دې لپاره چې د ټیک ټاک په اړه اندېښنې شته، نو دی یې په امریکا کې بندوي.
له دې وینا څو ساعته مخکې ښاغلي ټرمپ ویلي و چې دا خدمتونه ممکن د چین د استخباراتو یوه وسیله وي.
ټیک ټاک چې د لنډو وېډیوګانو له امله په ځوانانو کې ډېر دود دی، د نړۍ په کچه په تقریبي ډول یو میلیارد کاروونکي لري.
د امریکا حکومت د همدې اوونۍ په پیل کې د بهرنۍ پانګونې د کمېټې په چوکاټ کې د ټولنیزو رسنیو دا اپلېکېشن رسمي ارزونې ته وړاندې کړ.
د ارزونې پر دې اعلان چینایي چارواکو غبرګون وښود او واشنګټنیې په تبعیض تورن کړ.
د ټیک ټاک کمپنۍ ټینګار کړی چې د کاروونکو ډاټا یا معلوماتیې له چین سره نهدي شریک کړي.