د کندهار چارواکي ادعا کوي چې په خاکرېز ولسوالۍ کې ۳۶ وسله وال طالبان وژل شوي دي.
د قندهار د امنیه قوماندانۍ ویاند، جمال ناصر بارکزي نن (دجولاي په ۲۲مه) رسنیوته په استولي پیغام کې ویلي چې وسله والو طالبانو تېره شپه د خاکرېز ولسوالۍ د درویشانو په سیمه کې پرامنیتي ځواکونو حمله کړې وه.
د بارکزي په وینا، د وسله والو طالبانو له لوري تر حملې وروسته د امریکايي ځواکونو الوتکو هوايي حملې وکړې او وسله والو طالبانو ته یې مرګ ژوبله واړوله.
وسله والو طالبانو په دې اړه خبرې نه دي کړې.