د امریکاد بهرنیو چارو وزیر مایک پومپیو به د ډنمارک له صدراعظم سره د نارډ سټورم دوه په نوم د طبیعي ګاز پر نل لیکه خبرې وکړي.
د دې نل لیکې یوه برخه تربالتیک سمندرګي لاندې تېرېږي او دروسیې ګاز اروپايي هېوادونو ته رسوي.
هغه به نن (دجولاي په ۲۲مه) په دې اړه د ډنمارک له صدراعظم سره وغږېږي.
روسیه هڅې کوي چې د نارډ سټورم دوه پروژه بشپړه کړي.
د نل لیکي هغه برخه چې په بالتیک سمندرګي کې تېرېږي، د ډنمارک د اوبو په هغه برخه کې ده چې د دې هېواد په اقتصادي قلمرو کې شاملېږي.
مایک پومپیو تېره اوونۍ هغو کمپنیو ته چې له روسیې سره د دې نل لیکې په بشپړولو کې مرسته کوي، خبرداری ورکړ.
امریکا استدلال کوي چې د دې نل لیکې جوړېدل به د اروپا د انرژۍ پر مارکېټ د کرېملن واک زیات کړي او د اوکراین حکومت ته به چې په ختيځ کې د روسیې د پلویانو بېلتون غوښتونکو پر ضد جنګېږي، سزا وي.
له روسیې اروپا ته د طبیعي ګاز دا نل لیکه داسې تېرېږي چې اوکراین ورڅخه وتلی پاتې کېږي او په دې ډول به اوکراین هغه ملیونونه ډالر وبایلي چې د ګاز د نل لیکې د کلنۍ مالیې په توګه یې تر لاسه کولای شوای.