اوکرایني چارواکي وایي په تورې بحیره کې د څو هېوادونو ګډ سمندري تمرینات پیل شول.
د اوکراین د سمندري ځواکونو قوماندان اولکسي نژپاپا د جولای پر ۲۰مه د وېډیویي وینا پر مهال د دې تطبیقاتو د پیل اعلان وکړ.
چارواکي د دې مانورونو هدف په توره بحیره کې د امنیت ټینګښت یادوي.
د نهو هېوادونو پوځي پرسونل، ۲۷ کښتۍ او ۱۹ الوتکې په دې تمریناتو کې برخه لري.
تمه ده دا پوځي تمرینات د جولای تر ۲۶مې دوام وکړي.
د اوکراین دفاع وزارت تر دې وړاندې ویلي وو چې د کرونا ویروس د خورېدو له کبله سږ کال د سي بریز په نوم دغه تمرینات به یوازې په سمندري برخې پورې محدود وي.
دغه د څو هېوادونو ګډ پوځي تمرینات له ۱۹۹۷ کاله پیل شوي او هر کال ترسره کېږي.