د ایران قضایه قوه وایي، هغه کس یې اعدام کړی چې د سپاه پاسداران د یوه پخواني پیاوړي قومندان په اړه یې امریکا او اسرائیلو ته اطلاعات ورکړي وو.
د قضایه قوې اړوند میزان ویبپاڼې راپور ورکړی چې په جاسوسۍ د مجرم پېژندل شوي محمود موسوي د اعدام حکم نن دوشنبه عملي شو.
ایراني چارواکو تېره جون میاشت کې وویل چې موسوي د قاسم سلیماني د ځای په اړه اطلاعات ورکړي وو.
سلیماني د سپاه پاسداران د قدس څانګې مشر و چې په بغداد کې امریکایي بې پیلوټه الوتکو وواژه.