نړیوال بانک د افغانستان د اقتصادي وضعیت په اړه په نوي راپور کې ویلي چې کرونا وبا د دې هېواد اقتصاد لاکمزوری کړی.
دې بانک ویلي چې له افغانستان سره د مرسته کوونکو هېوادونو دولتونه چې په خپله هم له ستونزو سره مخامخ دي او له بلې خوا د سولې د خبرو نامعلوم برخلیک هم په خصوصي سکټور کې د پانګونې مخه نیولې ده.
نړیوال بانک ویلي چې روان ۲۰۲۰ کال د افغانستان د کورنیو ناخالصو تولیداتو د پنځه نیم او څه کم اووهنیم فیصدو ترمنځ د ودې اټکل کوي. په تېره ۲۰۱۹ کال کې دغه وده څه کم ۳ فیصده وه.
نړیوال بانک ویلي چې دغه وضعیت به د افغانستان د نفوسو په سلو کې ۷۰ د لوږې تر کرښې لاندې وضعیت ته ټېل وهي.
نوریاس نوري په دې اړه د اقتصادي چارو له پوه وحیدالله غازيخېل سره مرکه کړې او لومړی یې ترې پوښتنه کړې چې ایا دغه وضعیت چې د افغانستان اقتصاد یې ډېر کمزوری کړی ایا دا به موقتي وي او که بهیې اغېز اوږد مهاله وي؟
د دې مرکې اورېدو لپاره لاندې لېنک کېکاږئ:
Your browser doesn’t support HTML5
د افغانستان اقتصادي وضعیت په اړه د نړیوال بانک نوی راپور