د کندهار ولایت امنیه قوماندانۍ وايي، د نړیوالو ځواکونو په هوايي حمله کې د طالبانو ۱۷ جګړهماران وژل شوي دي.
د کندهار د امنیه قوماندانۍ مطبوعاتي دفتر نن د چهارشنبې په ورځ یوه خبرپاڼه خپره کړې چې وايي د نړیوالو ځواکونو هوايي حمله پرون ماښام داسې مهال وشوه چې د طالبانو ډلې غوښتل د خاکرېز ولسوالۍ په داروق سیمه کې پر امنیتي پوستو حمله وکړي.
په دې خبرپاڼه کې راغلي چې په هوايي حمله کې ۱۷ سخت دريځي وژل شوي او درې نور ټپيان شوي دي.
همداراز په خبرپاڼه کې ویل شوي چې په دې حمله کې د طالبانو یو شمېر وسلې او مهمات هم لهمنځه تللي دي.
طالبانو تر اوسه په دې اړه څه نهدي ویلي.