افغانستان ۵۸۵ وینټیلاتور دستګاوې له جرمني اخیستې دي او تمه ده چې له راتلونکې اوونۍ دغه دستګاوې د هوا له لارې افغانستان ته انتقال شي.
د افغانستان حکومت وایي چې د اوس لپاره ۲۶۱ وینټیلاتور دستګاوې شته او له نویو دستګاو سره به له کرونا ویروس سره د مبارزې چارې چټکې شي.
د افغانستان د ولسمشر د لومړي مرستیال دفتر دغه معلومات په یوه اعلامیه کې خپاره کړې دي او هغه خبرونه یې یو مخ بې بنسټه بللې دي چې د وینټیلاتور یا تنفسي دستګاوې په لسګونو دستګاوې پاکستان ته قاچاق شوې دي.
بل لور ته د افغانستان لوی څارنوالي په یوه اعلامیه کې چې ازادي راډیو ته یې رااستولې ده، څرګندوي چې د عامه روغتیا وزارت د سټاک د برخې معتمد د اتیا زره ډالرو د رشوت په تور ونیول شو.