د امریکا د متحده ایالاتونو ولسمشر ډونالډ ټرمپ له مارچ میاشتې وروسته خپله لومړۍ پراخه غونډه اکلاهما په تُلسا کې جوړه کړه.
د کرونا ویروس په ارتباط تر لګول شویو محدودیتونو وروسته ټرمپ هڅه کوي، چې بیا د ولسمشر په توګه د ټاکل کېدو لپاره خپل کمپاین تنظیم کړي.
دا پراخه غونډه د کرونا ویروس د خپرېدو په اړه له اندېښنو سره-سره په اکلاهما ایالت کې جوړه شوه، چې د کرونا ویروس تازه پېښې په کې په وروستیو کې زیاتې شوې دي.
ډونالډ ټرمپ په خپلو خبرو کې ډاډ وښود، چې دی به خپل سیال کاندید جوبایډن ته چې ده د خوبولي خطاب ورته وکړ، ماتې ورکړي.
ټرمپ بایډن د کیڼ اړخي رادیکال یو بېچاره ګوډاګی وباله.
د امریکا د ولسمشرۍ انتخابات په نومبر میاشت کې کېږي.