د افغانستان دفاع وزارت وایي، وسله والو طالبانو تېره شپه د غور ښار اړوند او پسابند ولسوالۍ کې د پوځ او سمه ییزو پولیسو پر پوستو ډله ییز بریدونه وکړل.
د دغه وزارت مطبوعاتي دفتر ویلي، دغه برید کې د غور له طالبانو سره د هرات او فراه طالبانو هم لاس یو کړی و چې په شا تمبول شوی دی.
دفاع وزارت یاد برید کې د امنیتي ځواکونو د مرګ ژوبلې په اړه څه نه دي ویلي، خو زیاته کړې ده چې ځوابي ډزو کې د هرات د تېورې ولسوالۍ لپاره د طالبانو ولسوال نصرالله انصاري او دوه ملګري یې وژل شوي دي.
طالبانو تر اوسه په دې اړه څه نه دي ویلي.