د ننګرهار چارواکي وایي د دغه ولایت په خوګیاڼو ولسوالۍ کې ۴ وسله وال مخالفین وژل شوي او ۳ نور تپیان دي.
د ننګرهار د والي ویاند عطاالله خوګیاڼي نن ازادي راډيو ته وویل چې تېره شپه وسله والو مخالفینو د خوګیاڼو ولسوالۍ په توره ژوره او سره غونډۍ سیمو کې د افغان ځواکونو پر پوستو بریدونه وکړل چې په خبره یې، پرشا وتمبول شول.
د ښاغلي خوګیاڼي په خبره، د افغان ځواکونو په ځوابي برید کې د مخالفینو ۴ تنه ووژل شول او ۳ نور ټپیان شول.
د خوګیاڼي په خبره، برید د ولسي پاڅون کوونکو او سرحدي پولیسو پر پوستو شوی و.
عطاالله خوګیاڼي همدا شان زیاته کړه چې وسله والو مخالفینو د خوګیاڼو په کږې بازار او چوڼۍ او د شینوارو په ګولایي سیمو کې ماینونه هم ځای پرځای کړي وو چې د امنیتي ځواکونو له خوا کشف او له کوم زیان پرته چاودنه ورکړل شوه.
تر اوسه د دولت هېڅ مخالفې وسله والې ډلې په دې اړه څه نه دي ویلي.