په سمنګان کې د سکرو په کان کې د ایسارو شویو کارګرانو د ژغورنې هڅې روانې دي.
د افغانستان د شمال د سکرو د تصدي رئیس ریاضالدین شریفي تېره شپه ازادي راډیو ته وویل: "شپږ جسده مو سهار راوایستل، دوه تنه مو بهر تلفات لرل چې ټول تلفات اتو ته ورسیدل. د ژغورني هڅې روانې دي. چاودنې سختې وې ځکه زموږ کار ورو ورو مخته ځي."
په دې کان کې د سې شنبې په ورځ چاودنه وشوه چې دوه تنه یې دستي ووژل او شپاړس تنه نور د کان دننه په څو سوه مترۍ کې ګیر پاتې شول.