د متحدایالاتو مخکیني ولسمشر بارک اوباما د کرونا ویروس پر وړاندې په مبارزه کې د اوسنیو چارواکو پر اجراآتو نیوکه کړې او ویلي یې دي، زیات شمېر چارواکي حتی دا فکر هم نه کوي چې دوی د چارو مسوولان دي.
ښاغلي اوباما پرون د مې په ۱۶مه د یوه کالج د محصلانو د فراغت آنلاین غونډې ته د وینا پرمهال پر اوسنۍ ادارې د کمساري نیوکې په ترڅ کې وویل، د کرونا وبا بالاخره له دې راز څخه پرته پورته کړه چې اکثر دا چارواکي په څه اخته دي.
اوباما د ولسمشر ډونالډ ټرمپ یا د نورو چارواکو نومونه یاد نکړل خو دا وینا تر ډېره د ټرمپ ادارې ته مستقیمه اشاره تعبیر شوې.