د افغانستان ترانسپورټ وزارت په وروستیو څو ورځو کې له قزاقستان او ازبکستان هېوادونو څخه ۱۰۲۵ واګونونه خوراکي او ودانیز توکي وارد کړي دي.
د ترانسپورټ وزارت مرستیال ویاند اشرف حق شناس ازادي راډیو ته وویل چې د اقیني، تورغوندۍ او حیرتان بندرونو له لارې یې تېرو پنځو ورځو کې شاوخوا له ۴۴ زرو ټنو زیات واردات کړي دي.
د ښاغلي حق شناس په خبره په دې وارد شویو توکو تېل، ګاز، اوړو، غنم، غوړي، او ودانیز توکي شامل دي.
د افغانستان ترانسپورټ وزارت وايي، چې دغه هېواد بندرونو د نورو ګاونډیو هېوادونو د بندرونو په پرتله نه دې تړل شوي او سوداګریزې چارې یې ښې پر مخ روانې دي.